Aktual mövzular: Dollar alış-satışı, Məzənnə, Neftin qiyməti

İlk proqramlaşdırma dillərindən biri yenidən populyarlaşmağa başlayıb

İlk proqramlaşdırma dillərindən biri yenidən populyarlaşmağa başlayıb

Tarix: 13 Aprel 2021 09:30

"Tiobe" Proqramçılar Cəmiyyəti 2021-ci ilin apreli üçün aktual proqramlaşdırma dillərinin populyarlıq reytinqini dərc edib.

 

"ICTnews" Elektron Xəbər Xidməti "4PDA" resursuna istinadən yazır ki, birinci yeri 50 ildir reytinqlərdə ən populyar olaraq qalan "C" proqramlaşdırma dili tutub. 2020-ci ilin proqramlaşdırma dili adalandırılan "Python" üçüncü pillədə qərarlaşıb, "Java" isə payının 5,49 faizini itirərək ikinci yerə enib. Ən gözlənilməz reytinqdə 20-ci yeri tutan "Fortran" proqramlaşdırma dilinin qayıdışı olub. "Tiobe" nümayəndələri bunu elmi hesablamalara artan tələbatla izah edirlər.

 

"Fortran" dili "IBM" şirkəti tərəfindən 1950-ci illlərin sonunda assembler dilinə daha praktik alternativ kimi yaradılıb. Bu, ilk kommersiya proqramlaşdırma dilidir. O, mövcud olduğu illər ərzində 2002-ci ildə 10-cu mövqeyə yüksəlib, son vaxtlaradək isə 34-ci pillədə yer alıb. "Java" (JVM) virtual kompüteri üzərində işləyən "Groovy" dilinin populyarlığının kəskin artması diqqət çəkir. O, ötən il 48-ci yerdən 17-ci mövqeyə yüksəlib.

 

Öz növbəsində "Objective-C" ən populyar proqramlaşdırma dilləri siyahısını tərk edib. Onu "Apple" şirkət tərəfindən 7 il əvvəl buraxılan "Swift" dilinin əvəzləyəcəyi gözlənilir. Lakin tərtibatçılar hələ ki universal kontent yaratma metodlarına üstünlük verirlər.

 

Nizam Nuriyev




Etiketlər:  İlk proqramlaşdırma dillərindən biri yenidən populyarlaşmağa başlayıb


RƏYLƏR



Populyar Xəbərlər

XƏBƏR LENTİ