Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan və Türkiyə poçtları daha sərfəli tariflərlə xidmət göstərəcək

Azərbaycan və Türkiyə poçtları daha sərfəli tariflərlə xidmət göstərəcək

Tarix: 21 Aprel 2021 16:30

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən "Azərpoçt" MMC "UPT" pul köçürmələri sisteminin Azərbaycanda yeni tərəfdaşı oldu.

"Azərpoçt"dan Sonxeber.net-a verilən məlumata görə, UPT Türkiyənin beynəlxalq pul köçürmələri və ödəniş platformasıdır.

"Ödəniş transferi sistemi üzrə əməkdaşlıq" müqaviləsinə əsasən, "Azərpoçt" və Türkiyə Dövlət Poçt və Teleqraf Təşkilatı daha sərfəli tariflərlə xidmət göstərməyə başlayır. Müqavilə çərçivəsində "Azərpoçt" və PTT, "Aktif Bank" tərəfindən təqdim olunan "Ödəniş ötürmə sistemi"ndən istifadə etmək barədə razılığa gəlib.

Azərbaycan və Türkiyə arasında sürətli pul köçürmələri hər il dinamik şəkildə artır. Aprel ayından etibarən vətəndaşlar hesab açmadan "Azərpoçt"un 1500-ə, PTT-nin isə 5000-ə yaxın poçt məntəqəsində daha aşağı tariflərlə etibarlı pul köçürmə əməliyyatını həyata keçirə bilirlər.

"Azərpoçt" və "PTT" poçt-maliyyə sahəsində uzun illərdir uğurlu əməkdaşlıq edir. İcrasına başlanılan yeni layihə bu əməkdaşlığın daha da inkişaf etməsinə geniş zəmin yaradır.


Etiketlər:  Azərbaycan Türkiyə poçtları daha sərfəli tariflərlə xidmət göstərəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ