Aktual mövzular: Dollar alış-satışı, Neftin qiyməti, COP29, Hava proqnozu

Jurnalistlər üçün tikilən binadan xəbər var - AÇIQLAMA

Tarix: 24 Aprel 2021 17:34

Jurnalistlər ötən il Milli Mətbuat günündə 3-cü binanın da təhvil veriləcəyini düşünürdülər, amma belə olmadı. Bu səbəbdən media nümayəndələrinin bina ilə bağlı müzakirələri səngimək bilmir. Bəziləri mənzillərin verilməsi şərtlərinin dəyişdirildiyini düşünür. "Jurnalist binası"nın açılış mərasiminin növbəti Milli Mətbuat günündə olacağını bildirənlər də var. Hər kəsi "mənzillər nə zaman və hansı şərtlərlə veriləcək" sualı maraqlandırır ki, bununla bağlı hələ ki, cavab verilməyib.

Sonxeber.net xəbər verir ki, Medianın İnkişafı Agentliyinin Kommunikasiya və informasiya texnologiyaları departamentinin Kommunikasiya şöbəsinin müdiri Səidə Şəfiyeva isə "Yeni Müsavat"a açıqlamasında binanın təhvil verilməsi ilə bağlı hər hansı yeniliyin olmadığını dedi: "Hələ ki, inşa olunmuş üçüncü binadakı mənzillərin jurnalistlərə verilməsi məsələsində heç bir qərar, yenilik yoxdur. Bir xəbər olarsa, mütləq paylaşılıcaq".

Qeyd edək ki, jurnalistlər üçün tikilən 3-cü binanın özülü 2017-ci ildə qoyulub. Bina 17 mərtəbəli, 255 mənzillidir.

Whatsapp ilə göndər