Aktual mövzular: Dollar alış-satışı, Məzənnə, Neftin qiyməti

“Apple” tədarükçüsünün zavodunda güclü yanğın olub

Tarix: 27 Aprel 2021 10:21

Çinin Şanxay şəhəri yaxınlığında "Apple" şirkətinin tədarükçüsü qismində çıxış edən Tayvanın "Casetek Group" elektronika istehsalçısının zavodunda baş verən yanğın səkkiz nəfərin, o cümlədən iki yanğınsöndürənin həyatına son qoyub.

"ICTnews" Elektron Xəbər Xidməti "IXBT" resursuna istinadən yazır ki, Tszinşan rayonu hökumətinin insidentlə bağlı yaydığı bəyanata görə, zavodda yanğın cümə axşamı saat 13:30-da başlayıb və cümə günü səhərədək davam edib. Güclü yanğınla mübarizəyə 900 yanğınsöndürən, 123 yanğınsöndürən maşın və 8 robot cəlb edilib. Rəsmi şəxslər tərəfindən yanğının baş vermə səbəbləri araşdırılır.

"Casetek Group" istehsalçısı "MacBook" istehsal xətti və "iPad" planşetləri üçün korpus istehsalçısı kimi tanınan "Pegatron" şirkətinə məxsusdur. Yanğının təchizat zəncirinə nə dərəcədə təsir göstərdiyi öyrəniləcək.

Nizam Nuriyev

Whatsapp ilə göndər