Messi, Ronaldo, Salah, Mbappe... - ''Ən yaxşı'' adına 10 namizəd

Tarix: 31 Iyul 2019 18:52

FİFA 2018-2019 mövsümünün ən yaxşı futbolçusu adına namizədləri açıqlayıb.

Qol.az-ın qurumun rəsmi saytına istinadən yaydığı xəbərə görə, 10 nəfərlik siyahıda Çempionlar Liqasının son qalibi "Liverpul"dan 3, "Barselona" və "Yuventus"dan 2, "Real", PSJ və "Tottenhem"dən isə 1 futbolçu yer alıb.

Kriştianu Ronaldo, Matteys de Liqt (hər ikisi "Yuventus"), Lionel Messi və Frenki de Yonq (hər ikisi "Barselona"), Harri Keyn ("Tottenhem"), Eden Hazard ("Real"), Kilian Mbappe (PSJ), Sadio Mane, Məhəmməd Salah və Vircil van Deyk (hər üçü "Liverpul").

Qeyd edək ki, mövsümün futbolçusu ekspertlərdən ibarət xüsusi komissiya, internet istifadəçiləri, idman jurnalistləri, habelə milli komandaların məşqçiləri və kapitanlarının səsverməsi əsasında seçiləcək. Qalibin adı sentyabrın 23-də Milanda keçiriləcək tədbirdə açıqlanacaq.