Aktual mövzular: Dollar alış-satışı, Məzənnə, Neftin qiyməti

Murov qədər uca şəhadət yolu - VİDEO

Murov qədər uca şəhadət yolu - VİDEO

Tarix: 4 May 2021 12:30

Şəhid Hüseyn Əsgərovun ailəsi REAL-a danışır

Oğul Vətənindir - Vətən də bizimdir! deyir şəhid anası Rasimə Əsgərova. Oğlu Hüseyn Əsgərovun şəhadət yolundan qürurla danışır.

Milli.Az Real TV-ə istinadən bildirir ki, 44 günlük müharibədə vətən torpağını qanı bahasına işğaldan azad edən Hüseyn Əsgərovdan 1995-ci il 3 iyun tarixində Gədəbəy rayon Qosabulaq kəndində doğulub. 2001-2012-ci illərdə həmin kənddə orta təhsil alıb.

2013-cü ildə hərbi xidmətə yollanan Hüseyn 2015-ci ilə qədər xidmət edib. Hərbi Xidməti zamanı dəfələrlə fəxri-fərman və təşəkkürnamələrə layiq görülüb.

2017-ci ildə isə müddətdən artıq hərbi xidmətə yollanıb və kəsfiyyatçı kimi xidmətini davam etdirib.

Hüseyn Əsgərov Müharibə başlayan zamandan Murovdağ ətrafı döyüşlərdə qəhrəmanlıqlar göstərib və elə həmin bölgədə də şəhadətə yüksəlib.

Murov qədər uca şəhadət yolu keçən Hüseyn Əsgərovun iki aydan çox nəşi tapılmayıb. Şəhidimiz dekabrın 9-u 2020-ci ildə doğulduğu kənddə dəfn edilib.

Milli.Az


Etiketlər:  Murov qədər uca şəhadət yolu VİDEO


RƏYLƏR