Aktual mövzular: Dollar alış-satışı, Neftin qiyməti, COP29, Hava proqnozu

Yevlaxda şəhid ailələri və müharibə əlilləri mənzillərinə niyə köçə bilmirlər? - VİDEO

Yevlaxda şəhid ailələri və müharibə əlilləri mənzillərinə niyə köçə bilmirlər? - VİDEO

Tarix: 19 May 2021 13:24

Yevlaxda şəhid ailələri və Qarabağ müharibəsi əlilləri üçün tikilən binada işıq, qaz və su sayğaclarının qoyulmaması sakinlərin narazılığına səbəb olub. Bu ilin yanvar ayında həmin evlər sakinlərə verilsə də, onlar sadaladığımız problemlərə görə öz evlərinə köçə bilmirlər. Köçənlər isə  əziyyət çəkirlər. Bəs bu kommunal problemlər niyə həll edilmir?

Şəhid ailələri və Qarabağ müharibəsi qaziləri onlara verilən beşmərtəbəli binadakı mənzillərinə köçə bilmirlər.  

Bu ilin yanvar ayında Yevlaxda Bakı prospekti 10A ünvanında 22 nəfərə çoxmənzilli binadan evlər verilib. Hazırda həmin evlərə elektrik, qaz və su boruları çəkilsə də, sayğacların quraşdırılmaması səbəbindən sahibləri ora köçə bilmirlər.

Binanın digər sakinləri isə bildirdilər ki, şəraitsizlik ucabtından onlar 4 aydır kirayədə yaşayırlar.

Sonxeber.net xezerxeber.az-a istinadən bildirir ki, mövcud vəziyyətlə bağlı ''Azəriqaz'' İstehsalat Birliyinin mətbuat katibi Ceyhun Səfərov bildirdi ki, həmin binaya qaz xətti çəkilib. Qurum rəsmisi deyir ki, layihədə əvvəlcə sayğaclar smart tipli olacağı göstərilsə də, sonradan podratçı şirkət bunu mexaniki sayğacla əvəz edilməsi ilə bağlı ''Azəriqaz''a müraciət edib.

''Azərişığ''ın mətbuat katibi Vaqif Aydınoğlu isə bildirdi ki, ümumiyyətlə həmin bina ilə bağlı heç bir podratçı şirkət onlara müraciət etməyib.

''Azərsu'' ASC-nin mətbuat katibi Anar Cəbrayıllı isə bildirdi ki, sözügedən ünvanda sayğacların quraşdırılması ilə bağlı mütləq qaydada podratçı şirkət tərəfindən rəsmi qaydada müraciət olmalıdır.

Podratçı şirkətin icraçı direktoru Şəmsəddin Muradov deyir ki, aidiyyəti qurumlara müraciət edilib və sakinlərin problemləri yaxın günlərdə həllini tapacaq.

Qeyd edək ki, bina Əmək və Əhalinin Sosial Müdafiəsi Nazirliyinin sifarişi ilə podratçı şirkət tərəfindən inşa edilib.


Etiketlər:  Yevlaxda şəhid ailələri müharibə əlilləri mənzillərinə niyə köçə bilmirlər VİDEO


RƏYLƏR



Populyar Xəbərlər

XƏBƏR LENTİ