Rusiya erməniləri də İrəvandan üz döndərir: ''Satqın, qorxaq...''

Tarix: 20 May 2021 12:46

Ermənistan hakimiyyətinin diaspora gözləntiləri iflas olur. 44 günlük İkinci Qarabağ Müharibəsindən sonra rəsmi İrəvanın sonuncu ümid yeri olan diaspora tamamilə ondan üz döndərib. Erməni teleqram kanalları yazır ki, Rusiyadakı diasporanın hazırda əsas tənqid hədəflərindən biri baş nazir səlahiyyətlərini icra edən Nikol Paşinyan və onun komandasıdır. Diaspora nümayəndələri onu hədəfə alaraq satqın, qorxaq bir məxluq adlandırır.

"Nikola qarşı xüsusi suallar yoxdur. Generalları kimi qorxaq, aciz bir məxluqdur", - deyə diaspora nümayəndələrinin şərhlərində bildirilir. Diaspora nümayəndələri üçün artıq Yerevan sakinləri, bütövlükdə Ermənistan önəm daşımır. Rusiyadakı ermənilər eks-prezident Serj Sarkisyanı devirən xalqı hədəfə alıblar. 

"Vaxtilə Serj Sarkisyan elektrik enerjisini 50 dram qaldıran kimi və yaxud gediş haqqı artıran kimi sizlər İrəvan boyu qaçır, saçınızı yolurdunuz. İndi isə sizlər azərbaycanlıların ayaqları altında sadəcə tapdalanmış vəziyyətdəsiniz. Və bunlar Qarabağda deyil, sizin günəşli Ermənistanında baş verir. Ermənistana kimlərinsə geri döndüyünü çəkib efirə verən kanallara isə sadəcə uğurlar arzulayırıq. Ötən əsrin 90-cı illərində olduğu kimi, indi dnyanın müxtəlif yerlərindən gəlib bizə qələbə hədiyyə etmək istəyən axmaq yoxdur. Diasporanı sağmal inək gözündə görmək isə artıq mövcud deyil", - deyə erməni diaporasının nümayəndələrinin teleqram kanallarındakı şərhlərində qeyd olunur.

Azər Nuriyev