Aktual mövzular: Dollar alış-satışı, Neftin qiyməti, COP29, Hava proqnozu

“Virgin Galactic” kosmik turistlər üçün gəmini sınaqdan keçirib

“Virgin Galactic” kosmik turistlər üçün gəmini sınaqdan keçirib

Tarix: 27 May 2021 21:44

Britaniyalı milyarder Riçard Brensona məxsus "Virgin Galactic" şirkəti ABŞ-da "SpaceShipTwo" seriyalı "Unity" kosmik gəmisinin uçuş sınaqlarını keçirib. Bu barədə şirkətin saytında dərc edilən məlumatda deyilir.

Milli.Az ictnews.az-a istinadən bildirir ki, kosmik turistlər üçün gəminin sınaqları Nyu-Meksiko ştatında aparılıb. Start əvvəlcə fevralın 13-nə planlaşdırılsa da, sonradan ləğv edilib. Şirkətin o vaxt verdiyi məlumata görə, texniki yoxlamalar üçün əlavə vaxtın ayrılması ilə bağlı qərar qəbul edilib.

Plana görə, "VMS Eve" təyyarə daşıyıcısı "SpaceShipTwo Unity" kosmik gəmisini 13 km (44 min fut) hündürlüyə qaldıraraq sərbəst planlaşdırmaya buraxmalıdır.

Martda "Virgin Galactic" şirkəti "VSS Imagine" adlı yeni kosmoplan hazırlamasını açıqlayıb. "YouTube"da dərc edilən videoçarxa görə, onun fərqli xüsusiyyəti bütün örtüyün istilik qorunmasının əlavə faktoru olan güzgü ilə örtülməsidir. Şirkət kosmoplanın sınaqlarına bu ilin yayında başlamağı planlaşdırır.

Milli.Az


Etiketlər:  Virgin Galactic kosmik turistlər üçün gəmini sınaqdan keçirib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ