Aktual mövzular: Dollar alış-satışı, Neftin qiyməti, COP29, Hava proqnozu

Moskva – Antalya reysinin cəsarətli sərnişini təyyarədəkiləri boğulmaqdan xilas etdi - VİDEO

Tarix: 11 Iyul 2021 11:48

Moskva - Antalya reysi ilə uçmalı olan təyyarədə yaranmış texniki nasazlıq sərnişinləri ciddi narahatlığına səbəb olub.

Sonxeber.net oxu.az-a istinadən xəbər verir ki, bu barədə görüntüləri "Mash" "Telegram" kanalı yayımlayıb.

Bildirilib ki, sözügedən reys üzrə səfərə hazırlaşan təyyarənin kondisioner sistemi sıradan çıxıb və uçuş təxirə salınıb. Bununla belə, xəta aradan qaldırılana qədər sərnişinləri təyyarənin göyərtəsindən təxliyyə etməyiblər.

İki saata yaxın qapalı vəziyyətdə qalan insanların səhhətində problemlər yaşanıb. Onlardan bəziləri istiyə dözməyərək huşlarını itiriblər.

Lakin mövcud vəziyyətlə barışmaq istəməyən sərnişinlərdən biri qəhrəmanlıq etmək qərarına gəlib. O, təyyarənin qəza çıxış lyukunu açaraq insanların hava almasına şərait yaradıb.

Hələlik, həmin sərnişinin bu qəhrəmanlığının hansı nəticə verməsi ilə bağlı məlumat yoxdur.

Whatsapp ilə göndər