Azərbaycanlılar daha çox bu markadan olan avtomobilləri alır – SİYAHI

Tarix: 3 Avqust 2021 18:08

Azərbaycanın təkrar avtomobil bazarında müxtəlif markalı avtonəqliyyat vasitələrinin satışına rast gəlinsə də, satış üstünlüyü cəmi bir neçə markaya məxsusdur.

Ölkəmizdə 121 markaya məxsus 30 mindən çox avtomobil satışa çıxarılıb. Onlardan yalnız 9 marka üzrə satışa çıxarılan avtomobillərin sayı 1000 ədəddən çoxdur. Daha 17 marka üzrə isə təklif edilən avtomobillərin sayı 100 ədədi ötür.

Sonxeber.net sfera.az-a istinadən xəbər verir ki, məlumatların təhlili göstərir ki, alıcılar daha çox "Mercedes" və LADA (VAZ) avtomobillərinə üstünlük verir. Bazarda 6300 ədəddən çox "Mercedes", 5900 ədəddən çox LADA markalı avtomobil satışa çıxarılıb.

Say çoxluğuna görə "Opel" (2270 ədəd), "Hyundai" (2270 ədəd), "Toyota" (2000 ədəd), "Chevrolet" (1710 ədəd), "BMW" (1680 ədəd), "Kia" (1570 ədəd), "Ford" (1280 ədəd) markaları da fərqlənir.

Sayı 1000 ədədi ötən avtomobil markalarının bazar payı 78 faizdən çoxdur.

Adıçəkilən markalardan başqa "Nissan" (800 ədəd), "Volkswagen" (730 ədəd), GAZ (700 ədəd), "Mitsubishi" (580 ədəd), "Land Rover" (460 ədəd), "Renault" (400 ədəd), "Daewoo" (360 ədəd), "Lexus" (310 ədəd) markalı avtomobillərə də maraq böyükdür.

Ümumiyyətlə, son illərdə ölkəmizə gömrük xərclərinin az olması səbəbindən daha çox kiçik həcmli mühərrikə sahib avtomobillərin idxalı artdığından təkrar bazarda da bu cür avtomobillərin satışı artmaqdadır. İndi alıcılar əsasən 1,3-1,6 litr mühərrik həcmi olan avtomobillərin alışına üstünlük verirlər.