Aktual mövzular: Dollar alış-satışı, Neftin qiyməti, COP29, Hava proqnozu

Ermənistanda “Mismar” ləqəbli məmuru döyənin “Çəkic” olduğu ortaya çıxdı

Ermənistanda “Mismar” ləqəbli məmuru döyənin “Çəkic” olduğu ortaya çıxdı

Tarix: 11 Avqust 2021 13:18

Ermənistan paytaxtının Açapnyak bələdiyyəsinin sədr müavini Artak Akopyan döyülüb.

Sonxeber.net oxu.az-a istinadən xəbər verir ki, erməni məmurun döyülməsi xəbəri bütün ölkənin əsas gündəminə çevrilib. Lakin maraqlı məqam hadisədən çox iştirakçıların kimliyi ilə bağlı olub.

Çünki hadisənin "qəhrəman"ları "Mismar" və "Çəkic" olub.

Yerli sakinlər arasında döyülən bələdiyyə sədrinin müavini 30 yaşlı Artak Akopyan məhz "Mismar" ləqəbi ilə tanınıb. Hadisədən bir neçə gün sonra onu döyən şəxsin kimliyi polis tərəfindən müəyyən edilib. Bu, 20 yaşlı Georgi Qalstyan olub.

Elə hadisənin maraqlı tərəfi - döyən və döyülən arasındakı "ideal" uyğunluq da bu zaman ortaya çıxıb. Çünki Qalstyan da həmvətənləri arasında "Çəkic" adı ilə məşhur olub. Beləliklə "Mismar" ləqəbli erməni məmur, "Çəkic" tərəfindən döyülüb.

Qalstyanın ("Çəkic") könüllü şəkildə polis bölməsinə gəldiyi və ifadə verdiyi bildirilir.

Burada əsas çətin iş Ermənistanın istintaq orqanlarının üzərinə düşəcək. Çünki istənilən halda indiyə qədər dünyada heç bir qurum "mismar"la "çəkic" arasındakı davanı araşdırmalı olmayıb.


Etiketlər:  Ermənistanda Mismar ləqəbli məmuru döyənin Çəkic olduğu ortaya çıxdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ