Aktual mövzular: Dollar alış-satışı, Məzənnə, Neftin qiyməti

Dəhşətli iddia: 5 yaşlı qız qurban kəsilib?

Tarix: 12 Avqust 2021 15:20

5 yaşlı qız qurban kəsilmiş ola bilər.

Milli.Az azxeber.com-a istinadən xəbər verir ki, Hindistanda 5 yaşlı qızın qurban kəsildiyi iddia edilir.

Hindistanda xurafatların nəticəsi olaraq insan qurban kəsmə ayinləri çox yayılıb. Batil inanclar nəticəsində insan qurbankəsmə mərasimlərinə yenisi əlavə edilib. Assam əyalətində bir qrup şəxs 5 yaşlı qızı öldürməkdə şübhəli bilinir.

Hindistan mediasında yayılan xəbərlərə görə, qızın ötən həftə evdə yatarkən naməlum şəxslər tərəfindən qaçırılması ilə bağlı polisə şikayət edilib.

Daha sonra Charaideo bölgəsində 5 yaşlı qızın cansız bədəni tapılıb. Kiçik qızın batil inanclı bir qrup tərəfindən qurban edilməsi ilə bağlı iddialar səsləndirilib.

Belə ki, kiçik qızın cəsədinin tapıldığı gecə Singlu çayında, çayın sahilində qırmızı parça, kül və qurbankəsmə mərasimlərində istifadə olunan materialların tapıldığı bildirilib.

Faktla bağlı araşdırmalar aparılır.

Milli.Az

Whatsapp ilə göndər