Koronavirus Çili iqtisadiyyatını xilas edib

Tarix: 19 Avqust 2021 10:12

2021-ci ilin ikinci rübündə Çili iqtisadiyyatı "Bloomberg" mütəxəssislərinin gözlədiyindən daha çox artıb.

Sonxeber.net report-a istinadən bildirir ki, Latın Amerikası ölkəsini hökumətin pandemiyanın vurduğu iqtisadi ziyanın təsirini azaltmaq üçün tətbiq etdiyi maliyyə stimulları xilas edib. Belə ki, Çilinin ÜDM-i 2021-ci ilin birinci rübü ilə müqayisədə 1 faiz, ölkə iqtisadiyyatı isə 2020-ci illə müqayisədə 18,1 faiz artıb.

Beynəlxalq Valyuta Fonduna görə, inkişaf etməkdə olan Çili pandemiyanın iqtisadi nəticələrini kompensasiya etmək üçün çox vəsait xərcləyib - yalnız pensiyaların ödənişləri üçün 50 milyard ABŞ dolları ayırıb.

Hökumətdən alınan pullar istehlak bumunu və pərakəndə satışların keçən ilin eyni dövrü ilə müqayisədə heyrətamiz artımına səbəb olub - mayda 72 və iyunda 66 faiz. Mərkəzi Bank, mədənçıxarma işlərinin 3,1 faiz, daxili tələbatın isə 1,6 faiz artdığını bildirib.

Çilinin maliyyə tənzimləyicisi ölkənin ÜDM -in bu il 9,5 faiz artacağını proqnozlaşdırır.