Aktual mövzular: Dollar alış-satışı, Neftin qiyməti, COP29, Hava proqnozu

Bu ölkədə hər 10 dəqiqədə bir uşaq aclıqdan ölür

Bu ölkədə hər 10 dəqiqədə bir uşaq aclıqdan ölür

Tarix: 23 Avqust 2021 22:30

Yeddi ildir vətəndaş müharibəsi şəraitində olan Yəməndə hər 10 dəqiqədə bir uşaq kifayət qədər qidalanmama və vaksinlə qarşısı alınması mümkün olan xəstəliklər səbəbindən ölür.  

Sonxeber.net "qafqazinfo"-ya istinadən xəbər verir ki, bu barədə məlumatı BMT-nin Uşaqlara Yardım Fondu (UNICEF) açıqlayıb.

Fondun direktoru Henrietta For keçirdiyi brifinqdə bildirib ki, təkcə bu il xüsusən Hudeyde və Mariv çevrəsində davam edən qarşıdurmalarda 1,6 milyon uşaq evindən didərgin düşüb:

"Yəməndə 11,3 milyonu uşaq olmaqla, 21 milyon insan humanitar yardıma möhtacdır. 2,3 milyon uşaq hədsiz dərəcədə pis qidalanır və təxminən 400 min uşaq az qidalanma və vaksinsizlik səbəbindən ölüm riski ilə qarşı-qarşıyadır".

BMT-nin Yəmən Xüsusi Nümayəndəliyinin rəhbəri Martin Qriffits Yəməndəki qıtlıq riskinə diqqət çəkərək, təxminən beş milyon insanın qıtlığın astanasında olduğunu qeyd edib.

Dünyanın ən böyük humanitar böhranlarından birinin yaşandığı Yəməndə əhalinin 80 faizi humanitar yardıma və qorunmağa möhtacdır.


Etiketlər:  ölkədə hər dəqiqədə uşaq aclıqdan ölür


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ