Güzəştli kreditlərin verilməsi proseduru sadələşdirilib - VİDEO

Tarix: 3 Sentyabr 2021 16:20

Sahibkarlar üçün maliyyə dəstəyi mexanizmlərindən istifadə asanlaşdırılıb. Güzəştli kreditlərin verilməsi proseduru sadələşdirilib.

Sonxeber.net Xəzər TV-yə istinadən xəbər verir ki, Sahibkarlığın İnkişafı Fondu tərəfindən daxil olan müraciətlər əsasında təhlillər aparılıb və maliyyə dəstəyi mexanizmlərindən istifadə ilə bağlı bir sıra qaydalar dəyişdirilib. Sadələşmə planı çərçivəsində 200 min manatadək kredit müraciətləri üzrə biznes plan tələbi ləğv edilib, ilkin monitorinqin keçirilməsi tələbi 20 min manatdan 50 min manata qaldırılıb.

Yeni qaydalarda diqqət çəkən vacib məqamlardan biri kredit müraciətləri zamanı tələb olunan sənədlərin sayının azaldılmasıdır.

Yeni mexanizmə əsasən, 50 min manata qədər kreditlər üzrə ilkin monitorinqin keçirilməsinə də ehtiyac olmayacaq. Bununla bağlı dəqiqləşdirmələr sahibkarların təqdim etdiyi məlumatlar əsasıda aparılacaq. Yeni qaydalar sentyabrın 1-dən tətbiq olunur.

Mövzu ilə bağlı daha ətraflı videomaterialı təqdim edirik: