Aktual mövzular: Dollar alış-satışı, Məzənnə, Neftin qiyməti

Məktəb direktoru valideynlərdən COVID-19 pasportu tələb edir VİDEO

Tarix: 4 Sentyabr 2021 13:36

Tovuzda valideynlərdən vaksinaya olunmaları tələb edilib. Əks halda övladlarının məktəbə buraxılmayacağı deyilib.

Milli.Az xezerxeber.az-a istinadən xəbər verir ki, Tovuzun Alakol kənd sakini Vasif Məmmədovun iki övladı Nürəddin Sadıqov adına Alakol kənd tam orta məktəbdə təhsil alır.

Ötən gün ona və digər valideynlərə övladlarının sinif müəllimi bildiriş göndərib ki, COVID-19 pasportu olmasa, övladı yeni tədris ilində məktəbə buraxılmayacaq.

Sözügedən məktəbin direktoru Elmira Cəfərova valideynlərdən COVID-19 pasportunu tələb etdiyini etiraf edib. Amma bunu məcburi qayda kimi yox, şagirdlərin sağlamlığı üçün tövsiyə xarakterli olduğunu deyib.

Məktəb direktorunun bu tələbi barədə kimdən göstəriş almasını öyrənmək üçün Tovuz rayon Təhsil Şöbəsinə üz tutduq. Qurumdan bildirildi ki, valideynlərdən COVID-19 pasportunun məcburi qaydada tələb edilməsi doğru deyil.

Təhsil Nazirliyindən də "Xəzər Xəbər"ə bildirildi ki, valideynlərdən vaksin pasportunun tələb olunması ilə bağlı Nazirlikdən heç bir göstəriş verilməyib.

Xezerxeber.az mövzu ilə bağlı daha ətraflı videomaterialı təqdim edir:

Milli.Az

Whatsapp ilə göndər