Gülnarə Xəlilovanın ''Qarabağ Azərbaycandır!'' kolleksiyası Beynəlxalq Moda Sərgisində təqdim edildi - VİDEO - FOTO

Tarix: 8 Sentyabr 2021 13:51

Dördüncü Stokholm Beynəlxalq Moda Sərgisində (Stockholm International Fashion Fair)  Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilovanın "Qarabağ Azərbaycandır!" kolleksiyası video formatında təqdim edildi.

Təqdimatdan əvvəl Gülnarə Xəlilova qonaqları salamlayaraq kolleksiyanın Azərbaycanın Vətən Müharibəsindəki qələbəsi şərəfinə yaradıldığını söylədi. Onun sözlərinə görə, kolleksiyadakı hər bir obraz azad edilmiş Azərbaycanın azad edilmiş şəhərlərinə 
həsr olunub

Xatırladırıq ki, bundan əvvəl Gülnarə Xəlilovanın kolleksiyaları Moda Həftələrində və beynəlxalq tədbirlərdə Türkiyə, Rusiya, Çin, Avstriya, Rumıniya, Böyük Britaniya, Qazaxıstan, Qırğızıstan, Özbəkistan, ABŞ, Bolqarıstan və digər ölkələrdə uğurla təqdim olunmuşdu.

Stockholm International Fashion Fair layihə çərçivəsində İsveç Milli Muzeyində və Volvo Studio Stockholm-da ABŞ, İsveç, Serbiya, İspaniya, İtaliya, Tunis, BƏƏ, Mərakeş, Qazaxıstan, Küveyt, Argentina, Bruney, Kamboca, İndoneziya, Malayziya, Myanma, Laos, Filippin, Sinqapur, Tayland, Çin, Vyetnam və digər ölkələr dizaynerlərinin kolleksiyaları təqdim olunub. Bir sıra nümayişlər video formatında təqdim edildi.