Aktual mövzular: Dollar alış-satışı, Neftin qiyməti, COP29, Hava proqnozu

''Səni sevirəm, böyük adam'' - Yaqub Zurufçunun xanımı

''Səni sevirəm, böyük adam'' - Yaqub Zurufçunun xanımı

Tarix: 15 Sentyabr 2021 20:15

Xəbər verdiyimiz kimi, Əməkdar artist Yaqub Zurufçu bu gün "Qurd qapısı" qəbiristanlığında torpağa tapşırılıb.

Sonxeber.net axşam.az-a istinadən xəbər verir ki, müğənninin xanımı Aynur Zurufçu dəfn mərasimində mərhumla bağlı açıqlama verib. O, həyat yoldaşının məzarı üstündə bunları söyləyib:

"Qəhərlənirəm, bilirəm ki, böyük adamlar haqqında kiçiklər danışmamalıdır. Onun qarşısında söz söyləməyə, son söz demək üçün kiçik adamam. Yaqub Zurufçu ürəyi, beyni Azərbaycanla döyünən idi. Ondan öyrənmişəm azərbaycançılığı. Dünyanı gəzdi, gəlib Azərbaycanda özünə yurd qurdu.

Yaqub Zurufçu evimizdən yox, elimizdən getdi. Onun xatirəsini daim yaşadacam, xalq, oğlumuz yaşadacaq. Səni sevirəm, böyük adam.

Təəssüf edirəm ki, Yaqub Zurufçu bu formada dəfn olunur. O, zirvələrə layiqdir. Pandemiyaya görə belə oldu. Əksi halda o, sevdiklərinin çiynində son mənzilə yola salınacaqdı".

Qeyd edək ki, Y.Zurufçu koronavirus infeksiyasına yoluxub. O, ötən gün müalicə aldığı xəstəxanada vəfat edib.


Etiketlər:  Səni sevirəm böyük adam Yaqub Zurufçunun xanımı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ