Qəhrəman şəhidimiz İsmayıl Qədirlinin doğum günüdür - VİDEO

Tarix: 17 Sentyabr 2021 13:16

İkinci Qarabağ müharibəsində canından keçən qəhrəman hərbçilərimizdən biri də İsmayıl Qədirli olub.

Sonxeber.net Xezerxeber.az-a istinadən bildirir ki, İsmayıl Qədirli 1998 -ci ildə Biləsuvar rayonunda doğulub.

Uşaq vaxtlarından  idmana  çox böyük marağı olub. 2017-ci ildə  həqiqi hərbi xidmətə çağırılıb. Xidməti başa vurduqdan sonra ailəsinin yanına dönüb. Lakin qəlbindəki vətən sevgisi ikinci Qarabağ müharibəsi başlayanda onu rahat buraxmayıb. Könüllü olaraq  cəbhəyə yollanıb.

İsmayıl Qədirli  bir neçə istiqamətdə gedən döyüşlərdə  igidcəsinə döyüşərək neçə-neçə  düşmən mövqelərinin alınmasında  iştirak edib. 19 gün qızğın döyüşlərdə  ərazi bütövlüyümüzün təmin olunmasında qəhrəmancasına döyüşən  igid əsgərimiz Xocavəndin Qırmizi Bazar  qəsəbəsi   uğrunda gedən döyüşlərdə şəhidlik zirvəsinə ucalıb.

Şəhidimiz  Biləsuvar rayonunda  dəfn edilib. Ölümündən sonra "Vətən uğrunda", "Cəbrayılın  azad olunmasına görə" və "Füzulinin azad olunması görə" medalları ilə təltif olunub.

Bu gün onun 23 yaşı tamam olur. Rayon  sakinləri şəhidimizin  ata ocağına yığışaraq doğum gününü qeyd ediblər.

Mövzu ilə bağlı daha ətraflı videomaterialı təqdim edirik: