Aktual mövzular: Dollar alış-satışı, Məzənnə, Neftin qiyməti

İsraildən yeni “normallaşma sazişləri” mesajı

İsraildən yeni “normallaşma sazişləri” mesajı

Tarix: 7 Oktyabr 2021 11:42

İsrail xarici işlər naziri Jair Lapid ABŞ-ın, BƏƏ-nin, Bəhreynin və Mərakeşin İsrailə bölgənin digər ölkələri ilə diplomatik əlaqələr qurmasına kömək etdiyini bildirib.

Milli.Az oxu.az-a istinadən xəbər verir ki, İsrailin bu ölkələrlə normallaşdırma sazişlərinin "möhtəşəm" bir proses olduğunu vurğulayan Lapid qeyd edib ki, bu dairəni bölgənin daxilində və xaricində genişləndirməyə ümid edirik:

"Hazırda adlarını açıqlaya bilmədiyim ölkələrlə normalizasiya müqavilələri imzalamaqdayıq.. Əvvəlki kimi indi də ad çəkə bilmərəm, çünki bu prosesə xələl gətirəcək".

O, bölgə ölkələri ilə normallaşma prosesini davam etdirərkən, Fələstin məsələsinin də gündəmdə olduğunu, gözlərinin cənubda Qəzzada və şimalda Hizbullahda olduğunu bildirib.

İsrail ilə BƏƏ və Bəhreyn arasında münasibətlərin normallaşdırılmasına dair müqavilə 15 sentyabr 2020-ci ildə Ağ Evdə təşkil edilən mərasimdə imzalanıb.

Xartum rəhbərliyi eyni zamanda o dövrkü ABŞ prezidenti Donald Trampın Sudanı "terroru dəstəkləyən ölkələr" siyahısından çıxarmasının qarşılığında 23 oktyabr 2020-ci ildə İsraillə münasibətləri normallaşdırmağa qərar verdi.

Sudandan sonra Mərakeş də 10 dekabr 2020-ci ildə İsraillə münasibətləri normallaşdırmaq barədə razılığa gəldi.

Milli.Az


Etiketlər:  İsraildən yeni normallaşma sazişləri mesajı


RƏYLƏR



Populyar Xəbərlər

XƏBƏR LENTİ