Aktual mövzular: Dollar alış-satışı, Neftin qiyməti, COP29, Hava proqnozu

Lənkəranskinin daha bir yaxın adamı həbsdən çıxdı - FOTO

Tarix: 14 Oktyabr 2021 14:18

63 yaşlı gürcü qanuni oğru "Karol" ləqəbli Tariel Oniani azadlığa çıxıb.

Sonxeber.net lent.az-a istinadən xəbər verir ki, Oniani İspaniyada cəza çəkib. O, çirkli pulların yuyulmasına ittiham olunub.

T. Oniani gürcü oğru aləminin liderlərindən sayılır. O, "Ded Xasan" klanının qatı düşmənlərindən idi. Məhz bu məqam, onu azərbaycanlı "qanuni oğru" Rövşən Lənkəranski ilə yaxınlaşdırıb. İspaniya hökuməti Onianinin dərhal bu ölkədən çıxmasını tələb edib.

Hazırda onun Avropa ölkələrinin birində olduğu bildirilir.

Qeyd edək ki, bir müddət əvvəl R. Lənkəranskinin daha bir yaxın adamı kriminal aləmdə "Rufo Gəncski" kimi tanına Ülfət Tağıyev də azadlığa çıxıb.