Aktual mövzular: Dollar alış-satışı, Neftin qiyməti, COP29, Hava proqnozu

Paşinyanı parlamentdə vətənə xəyanətdə ittiham etdilər, ara qarışdı - VİDEO

Paşinyanı parlamentdə vətənə xəyanətdə ittiham etdilər, ara qarışdı - VİDEO

Tarix: 18 Noyabr 2021 08:00

Ötən gün Ermənistanın Baş naziri Nikol Paşinyanın parlamentdə çıxışı zamanı qalmaqal yaşanıb.

Sonxeber.net "qafqazinfo"-ya istinadən xəbər verir ki, "Şərəfim var" blokunun üzvü Hayk Mamicanyan Paşinyanı vətənə xəyanətdə ittiham edib.

Mamicanyan parlamentdə hökumət rəsmiləri ilə sual-cavab iclasında üzünü Paşinyana tutaraq deyib:

"Ədliyyə nazirinizin penitensiar müəssisələrin təmiri təşəbbüsü ilə çıxış etməsi yaxşı haldır, çünki siz gələcəkdə orada olacaqsınız".

"Sənə pis xəbərim var. Mən Ermənistanda dörd penitensiar müəssisədə olmağı bacarmışam və orada özümü heç pis hiss etməmişəm" - deyə Paşinyan cavab olaraq bildirib.

Bu zaman onun rəhbəri olduğu "Vətəndaş müqaviləsi" partiyasından seçilən deputatlar Paşinyanı müdafiə etməyə çalışıblar. Lakin bu, əvvəlcə deputatların mübahisəsinə, ardınca isə bir-birilərini təhqir etməsiylə nəticələnib.

Bunun davamında müxalifət deputatları opponentlərini sona qədər dinləmədən iclası tərk ediblər.


Etiketlər:  Paşinyanı parlamentdə vətənə xəyanətdə ittiham etdilər qarışdı VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ