Aktual mövzular: Dollar alış-satışı, Neftin qiyməti, COP29, Hava proqnozu

Saxta PCR testlərini satan erməni saxlanıldı

Saxta PCR testlərini satan erməni saxlanıldı

Tarix: 25 Noyabr 2021 11:44

49 yaşlı Ermənistan vətəndaşının qanunsuz fəaliyyəti Ukraynanın Luqansk vilayətinin kiberpolis əməkdaşları tərəfindən ifşa edilib.

Sonxeber.net "1news.com.ua" saytına istinadən xəbər verir ki, əməliyyatda Rəqəmsal Təhlükəsizlik Nazirliyinin nümayəndələri və Şçastinski rayon polis idarəsinin əməkdaşları da iştirak edib.

Mənbə yazır ki, Ermənistan vətəndaşı internetdə COVİD-19 üçün mənfi nəticəsi olan sertifikatların verilməsi xidmətini təklif edib.

O, müvəqqəti işğal olunmuş ərazilərin sakinlərinə "Staniça Luqanskaya" keçid məntəqəsini keçmək üçün saxta sənədlər satıb.

"Müştərilər" heç bir laboratoriya müayinəsindən keçməsələr də qeydiyyat üçün məlumatlarını ona təqdim ediblər. Saxta testin qiyməti 500 qriven olub.

Erməni hər ay təxminən 300 PCR testi "satıb". Onun aylıq qazancı 150 min qriven təşkil edib. Hüquq-mühafizə orqanları təqsirləndirilən şəxsin yaşayış yerində axtarış aparıb.

Nəticədə ondan kompüter avadanlığı, fləş disk, avtomobil, mənfi PCR testinin sertifikatı, doldurulmayan PCR test blankları, pasportların surətləri və "qaralama" qeydləri götürülüb.


Etiketlər:  Saxta testlərini satan erməni saxlanıldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ