Aktual mövzular: Dollar alış-satışı, Neftin qiyməti, COP29, Hava proqnozu

“Omikron”la bağlı ABŞ-a giriş məhdudlaşdırılır

Tarix: 27 Noyabr 2021 08:42

"ABŞ noyabrın 29-dan etibarən koronavirusun yeni aşkar edilmiş "Omikron" ştammı ilə bağlı Afrikanın 8 ölkəsindən gələn vətəndaşlara ölkəyə girişi məhdudlaşdıracaq".

Milli.Az APA-ya istinadən xəbər verir ki, bunu ABŞ Prezidenti Co Bayden deyib.

Prezident bildirib ki, artıq yeni ştamm haqqında məlumatlandırılıb: "Ehtiyat tədbiri olaraq, daha çox məlumat əldə edənə qədər Cənubi Afrikadan və digər yeddi ölkədən hava nəqliyyatı ilə ölkəyə gələnlərə məhdudiyyətlər qoymağa göstəriş verdim. Yeni məhdudiyyətlər noyabrın 29-da qüvvəyə minəcək. Tibb sahəsində məsləhətçilərimlə elmi sübutları və tövsiyələri rəhbər tutmağa davam edəcəyik".

CNN-in məlumatına görə, məhdudiyyətlər Cənubi Afrikadan başqa Botsvana, Zimbabve, Namibiya, Lesoto, Esvatini, Mozambik və Malaviyə də şamil edilir.

Milli.Az

Whatsapp ilə göndər