Saçlara qulluq edəndə bu səhvlərə yol verməyin!

Tarix: 5 Dekabr 2021 20:02

Saçların vəziyyətinə və sağlamlığına saçlara edilən düzgün qulluq böyük təsir edir.

Bəzən saçlara qulluq edəndə biz bilmədən səhvlərə yol veririr ki, bu da saçlarımızın vəziyyətinə mənfi təsir edir.

1. Saçlarınızı isti su ilə yumayın!

Bu saçları korlayır, onların yağlılığını artırır ki, saçlar daha tez çirklənir. Ancaq soyuq su ilə də yumaqdan çəkinmək lazımdır.

Saçları yuyarkən suyun temperaturu təxminən 36-37° C olmalıdır. Saçlar nə qədər yağlı olarsa, onların yuyulması üçün istifadə edilən su da bir o qədər sərin olmalıdır.

2. Saçlarınızı yuyanda onları əvvəlcədən yaxşı isladın!

Bu çox vacibdir. Şampunu quru və ya pis isladılmış saçlara vuranda, saçlar yaxşı yuyulmur, çirkli qalır.

3. Saçlarınızı yuduqda az miqdarda şampundan istifadə edin!

Bəzi qadınlar fikirləşir ki, şampun nə qədər çox miqdarda istifadə olunarsa, saçlar da o qədər təmiz olacaq. Bu səhv fikirdir. Əksinə çoxlu miqdarda şampundan, müxtəlif balzamlardan, kondisionerlərdən istifadə edən qadının saçları daha tez korlanır və tökülür.

4. Nəm saçları daramayın!

Bir çox qadınlar saçları yuduqdan dərhal sonra darayır. Lakin bunu etmək olmaz. Dəri yumşaq olur və saçlar darananda daha təz qopur.

5. Nəm saçlarla yatmayın!

Heç bir halda nəm, kifayət qədər qurudulmamış saçlarla yatmaq olmaz. Yaş saçlar quruyarkən dəri uzun müddət ərzində soyuyur. Nəticədə dəridə qan dövranı və saçların qidalanması da pisləşir. Bütün bunlar saçların inkişafına mənfi təsir edərək onların daha güclü şəkildə tökülməsinə səbəb ola bilər.

6. Soyuq havada başıaçıq gəzməyin!

Soyuğun təsirindən baş dərisində qan dövranı pisləşir ki, bu da saçların vəziyyətinə mənfi təsir edir.