Aktual mövzular: Dollar alış-satışı, Neftin qiyməti, COP29, Hava proqnozu

Zədələnən futbolçu qəsdən sarı vərəqə aldı - VİDEO

Tarix: 7 Dekabr 2021 18:32

İspaniya La Liqasının XVI turunun "Selta" - "Valensiya" matçında kuryoz hadisə baş verib.

Sonxeber.net report-a istinadən xəbər verir ki, meydan sahiblərinin futbolçusu Yaqo Aspas 11-ci dəqiqədə hesabı açdıqdan sonra vurduğu qolu qeyd edərkən zədələnib. Durumunun ciddi olduğunu hiss edən 34 yaşlı hücumçu hiyləyə əl atıb.

Zədə səbəbindən onsuz da növbəti matçı buraxmalı olacağını başa düşən və bu oyunadək sarı vərəqə limitində olan forvard bilərəkdən formasını çıxararaq mövsüm ərzində 5-ci rəsmi xəbərdarlığını alaraq cəzalı duruma düşüb. Beləliklə, ispaniyalı oyunçu vərəqə limitini sıfırlayıb. 16-cı dəqiqədə isə öz yerini komanda yoldaşı Renato Tapiaya verib.

Qeyd edək ki, qarşılaşma qonaqların 2:1 hesablı qələbəsi ilə başa çatıb.

Whatsapp ilə göndər