Aktual mövzular: Dollar alış-satışı, Məzənnə, Neftin qiyməti

"Omikron"a görə Danimarka məktəblərində tətil 1 aya yaxın davam edəcək

Tarix: 9 Dekabr 2021 08:50

Danimarkanın ümumtəhsil məktəblərində Milad tətilləri koronavirusa yoluxmanın artması səbəbindən bir aya yaxın davam edəcək.

Milli.Az "Report"a istinadən bildirir ki, bunu ölkənin Baş naziri Mette Frederiksen keçirdiyi mətbuat konfransında deyib.

Onun sözlərinə görə, məktəblilər dekabrın 15-dən yanvarın 4-dək tətildə olacaqlar.

Dekabrın 10-dan Danimarkada gecə klubları və diskotekalar bağlanacaq. 50-dən çox insanın iştirakı ilə konsertlər və kütləvi tədbirlər keçirilməyəcək, restoranlara qoruyucu maskalarla gəlmək məcburi olacaq.

Hökumət həm özəl, həm də dövlət müəssisələrinə işçilərin məsafədən işləməsini tövsiyə edib.

Səhiyyə Nazirliyinin məlumatına görə, ölkədə koronavirusun "omikron" ştamına 577 yoluxma qeydə alınıb.

Milli.Az


Etiketlər:  Omikrona görə Danimarka məktəblərində tətil 1 aya yaxın davam edəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ