Aktual mövzular: Dollar alış-satışı, Neftin qiyməti, COP29, Hava proqnozu

Böyük Britaniyada bəzi yerlərdə maska məcburi oldu

Böyük Britaniyada bəzi yerlərdə maska məcburi oldu

Tarix: 9 Dekabr 2021 19:44

Böyük Britaniyada koronavirusun "omikron" ştamına yoluxma artdığı üçün bəzi məhdudiyyətlərin yenidən tətbiqinə başlanıb.

Sonxeber.net aviatravel.az-a istinadən bildirir ki, Baş nazir Boris Conson mətbuat konfransı keçirərək bazar ertəsindən etibarən bəzi iş sahələrində evdən işləməyin daha uyğun olacağını açıqlayıb.

Tədbirlər çərçivəsində cümə günündən ictimai yerlərdə, o cümlədən teatr və kinoteatrlarda maskaların taxılması məcburi olacaq.

Növbəti həftədən etibarən, böyük izdihamın toplaşdığı gecə klubları və konsert salonları kimi yerlərə daxil olarkən COVID pasportu tələb ediləcək. Baş nazir COVID pasportu üçün iki doza peyvəndin kifayət edəcəyini bildirib.

Alimlər "omikron" ştamının "delta"dan daha asan ötürülən və Böyük Britaniyada dominant variant ola biləcəyini elan ediblər.

Bununla belə, "omikron" ştamı haqqında hələ də çox şey bilinmir və bu variantın nə qədər ağır xəstəliyə səbəb ola biləcəyi məlum deyil.


Etiketlər:  Böyük Britaniyada bəzi yerlərdə maska məcburi oldu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ