Aktual mövzular: Dollar alış-satışı, Neftin qiyməti, COP29, Hava proqnozu

İşə qəbul müsabiqəsində vakant yerləri tutan müəllimlərin növbəti turlarda iştirak hüququ məhdudlaşdırılıb

İşə qəbul müsabiqəsində vakant yerləri tutan müəllimlərin növbəti turlarda iştirak hüququ məhdudlaşdırılıb

Tarix: 30 Avqust 2019 20:00

Bakı. İlhamə İsabalayeva - Trend:

Bu il müəllimlərin işə qəbulu üzrə müsabiqənin birinci yerləşdirilmə mərhələsində vakant yerlərə yerləşdirlən namizədlərin növbəti turlarda iştirak hüququ məhdudlaşdırılıb.

Trend-in məlumatına görə, bunu Təhsil Nazirliyinin İnsan resursları şöbəsinin müdir müavini Murad Camalzadə deyib.

Onun sözlərinə görə, müəllimlərin işə qəbulu üzrə müsabiqənin birinci yerləşdirilmə mərhələsində iştirak etməyən və ya iştirak edib vakant yer tuta bilməyən namizədlər əlavə yerləşdirmə üçün vakansiya seçiminə qatıla bilərlər. Uğur qazanaraq vakant yerlərə yerləşdirilən namizədlər isə əlavə vakansiya seçimində iştirak edə bilməzlər:

“Ötən il belə namizədlər əlavə vakansiya seçimində iştirak edə bilərdilər. Ötən il müəyyən edilmiş tarixədək imtina ərizəsi yazan, yaxud müsahibəyə gəlməkdən imtina edən namizəd növbəti tura buraxılırdı. Amma bu il həmin məsələ ilə bağlı dəyişiklik etdik. Əslində, namizədlərin özləri tələb edirdilər ki, belə şəxslər yenidən vakant yer seçmək üçün növbəti turlara buraxılmasın. Biz də vətəndaşların bu istəyini yerinə yetirdik”.

Trend-in ən mühüm və maraqlı xəbərlərini "Telegram"da izləyin


Etiketlər:  İşə qəbul müsabiqəsində vakant yerləri tutan müəllimlərin növbəti turlarda iştirak hüququ məhdudlaşdırılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ