Aktual mövzular: Dollar alış-satışı, Neftin qiyməti, COP29, Hava proqnozu

“Ağdam” gəmi-bərəsi istismara qaytarılıb

Tarix: 4 Yanvar 2022 08:04

"Azərbaycan Xəzər Dəniz Gəmiçiliyi" QSC-nin (ASCO) Nəqliyyat Donanmasına məxsus "Ağdam" gəmi-bərəsi əsaslı təmir olunub.

Qurumdan verilən məlumata görə, "Zığ" Gəmi Təmiri Zavodunda aparılan işlər qısa vaxtda və yüksək keyfiyyətlə həyata keçirilib.

Gəmi-bərənin baş və köməkçi mühərrikləri, boru sistemləri, mexanizmləri (nasoslar), separatorları təmir olunub. Gəmi üzrə gövdə-qaynaq, elektrik quraşdırma və avtomatika işləri görülüb. Eyni zamanda, gəminin baş göyərtəsi, maşın şöbəsində mexanizmləri, sualtı və suüstü hissələri obraziv qumla tam təmizlənərək rənglənib. Bundan başqa, dənizçilərun yaşayış və xidməti otaqları müasir tələblər səviyyəsində təmir edilib.

Dəniz sınaq yoxlamasından uğurla çıxan "Ağdam" yenidən istismara qaytarılıb.

Whatsapp ilə göndər