Aktual mövzular: Dollar alış-satışı, Neftin qiyməti, COP29, Hava proqnozu

İsrail peyvənd edilmiş turistlər üçün sərhədləri açdı

Tarix: 10 Yanvar 2022 21:30

The Times of Israel xəbər verir ki, İsrail bazar günü epidemioloji vəziyyətə görə ölkəyə girişi qadağan edilən ölkələrin siyahısını ləğv edərək, hər hansı COVID-19 koronavirus peyvəndi ilə peyvənd olunmuş turistlər üçün sərhədlərini açıb.

Sonxeber.net aviatravel.az-a istinadən bildirir ki, İsrailə səfər etmək üçün hər hansı bir ölkədən olan peyvənd edilmiş turist yola düşməzdən əvvəl COVID-19 testi, sonra Ben Qurion Beynəlxalq Hava Limanına çatdıqdan sonra başqa bir test etməlidir. Mənfi nəticə almadan əvvəl turist 24 saat karantində olmalıdır. Peyvənd olunmayan turistlər daxil ola bilməz.

Hazırda İsraildə 115 min insan koronavirusa yoluxub, omikron ştammı aktiv şəkildə yayılır. Bununla belə, ekspertlər belə nəticəyə gəliblər ki, xəstəliyin ağır halları Delta ştammı ilə yoluxma nəticəsində baş verir.

Ümumilikdə pandemiya dövründə ölkədə 1,5 milyona yaxın insan bu xəstəliyə yoluxub.

Whatsapp ilə göndər