Aktual mövzular: Dollar alış-satışı, Neftin qiyməti, COP29, Hava proqnozu

Aqarunovun qardaşı: Heykəlin açılışına ailəlikcə gələcəyik

Aqarunovun qardaşı: Heykəlin açılışına ailəlikcə gələcəyik

Tarix: 3 Sentyabr 2019 18:12

Bakı. Ceyhun Ələkbərov - Trend:

Bakıda Albert Aqarunovun adına ucaldılan abidənin açılışında ailəlikcə - bacı və qardaşımla iştirak edəcəyik.

Bunu Trend-ə Milli Qəhrəman Albert Aqarunovun qardaşı Rantik Aqarunov deyib. Onun sözlərinə görə, heykəlin müəllifi Ömər Eldarovdur.

R.Aqarunov qeyd edib ki, abidənin açılışı bu ilin oktyabrına nəzərdə tutulub.

Qeyd edək ki, Bakıda Nərimanov rayonunda Milli Qəhrəman Albert Aqarunova heykəl qoyulub.

A.Aqarunov 25 aprel 1969-cu ildə Bakının Əmircan qəsəbəsində, yəhudi ailəsində anadan olub. Qarabağ müharibəsi başlayarkən 1992-ci ildə Albert Aqarunov könüllü olaraq cəbhəyə yollanıb. Tank komandiri təyin edilən Albert Aqarunov Şuşa cəbhəsində döyüşüb. O Xankəndi, Daşaltı, Cəmilli istiqamətində gedən döyüşlərdə erməni işğalçılarının xeyli canlı qüvvəsini, zirehli texnikasını məhv edib. Ermənilərin Şuşaya hücumu vaxtı Albert Aqarunov düşmənin 9 tank, 7 ZTR və bir çox texnikanı məhv edib.

A.Aqarunov 8 may 1992-cu ildə Şuşa uğrunda gedən döyüşlərdə snayper gülləsinə tuş gəlib və döyüş meydanında həlak olub.

Bakıda Şəhidlər xiyabanında dəfn edilib.

Trend-in ən mühüm və maraqlı xəbərlərini "Telegram"da izləyin


Etiketlər:  Aqarunovun qardaşı Heykəlin açılışına ailəlikcə gələcəyik


RƏYLƏR



Populyar Xəbərlər

XƏBƏR LENTİ