Aktual mövzular: Dollar alış-satışı, Neftin qiyməti, COP29, Hava proqnozu

İki övladı ilə küçədə qalan qadın sığınacağa yerləşdirilib

Tarix: 2 Fevral 2022 22:00

Bir neçə gün əvvəl İmişli rayon sakini olan qadın gecə saatlarında Ombudsmanın 916 Çağrı Mərkəzinə müraciət edərək, məişət zorakılığından zərər çəkdiyini, təhlükədə olduğunu, iki azyaşlı övladı ilə birlikdə küçədə qaldıqlarını bildirib.

Ombudsman Aparatından Sonxeber.net-a verilən məlumata görə, Ombudsman Səbinə Əliyeva tərəfindən dərhal rayon icra hakimiyyətinə və yerli polis şöbəsinə müraciət edilib, həmin qurumların məsələyə operativ reaksiyası nəticəsində ana və övladları tez bir zamanda tapılaraq mühafizəsi təmin olunub, müvafiq binada gecələmələrinə şərait yaradılıb.

Daha sonra sənədləşdirmə işi aparılaraq, qadın və övladları Sosial Xidmətlər Agentliyinin sosial xidmət müəssisəsinə yerləşdirilib.

Səbinə Əliyevanın tapşırığına əsasən, məsələ nəzarətdə saxlanılıb, Ombudsmanın əməkdaşları müəssisədə ana və onun övladları ilə görüşərək, onların saxlanma şəraiti, səhhəti, psixoloji durumu və hüquqlarının müdafiəsi ilə bağlı vəziyyətlə maraqlanıblar.

Whatsapp ilə göndər