Yeni köçdüyü evdə xalçanın altında gizli seyf tapdı - VİDEO

Tarix: 4 Fevral 2022 16:30

@imthefookinglizardking adlı "TikTok" istifadəçisi yeni aldıqları evi tozsoranla təmizləyərkən xalının altında, əvvəllər varlığını bilmədiyi seyf tapıb. Liz adlı qadın yeni tapıntısının videosunu yayımlayıb. Böyük maraqla qarşılanan görüntülər altı milyondan çox baxış toplayıb.

Sonxeber.net oxu.az-a istinadən xəbər verir ki, qadının sözlərinə görə, ev 1970-ci illərin sonlarında tikilib.

"TikTok" istifadəçisinin sözlərinə görə, seyfi aça biləcək mütəxəssis tapmaq onun gözlədiyindən də çətin olub: "On çilingərlə əlaqə saxladım. Mən zarafat etmirəm. Onlardan 4-5 nəfəri döşəmə seyfləri ilə işləmədiyini dedi".

Hətta seyfi istehsal edən şirkətdə kombinasiya olmadığından, yerli ustalar axtarmalı olub. Nəhayət, Cim adlı usta seyfi 700 dollara aça biləcəyini deyib. Seyf açıldıqda onun boş olduğu görünüb.