Aktual mövzular: Dollar alış-satışı, Neftin qiyməti, COP29, Hava proqnozu

Mariupol yaxınlığında 10 yunan öldü, səfirlik nazirliyə çağırıldı

Mariupol yaxınlığında 10 yunan öldü, səfirlik nazirliyə çağırıldı

Tarix: 27 Fevral 2022 10:08

Rusiyanın Ukraynaya hərbi müdaxiləsi üçüncü ölkələrin dinc əhalisinin ölümü ilə nəticələnib.

Sonxeber.net "Qafqazinfo"ya istinadən xəbər verir ki, Yunanıstanın baş naziri Kiriakos Mitsotakis şənbə günü, fevralın 26-da özünün Tvitter mikrobloqunda yazıb: 

"Bu gün Rusiyanın Mariupol yaxınlığında endirdiyi aviazərbələr nəticəsində on günahsız dinc sakin - etnik yunanlar həlak olub".

Mitsotakis Ukraynada 10 soydaşının həlak olmasını Rusiyanın mülki şəxslərə hücumunun qəbuledilməz hərəkəti adlandırıb və bombardmanların dayandırılmasını istəyib: 

"Dərhal bombardmanı dayandırın!".

"Röyters" agentliyinin məlumatına görə, insident Donetsk vilayətinin Buqas və Sartana kəndləri yaxınlığında baş verib.

Yunanıstanın hökumət başçısı həlak olanların ailələrinə başsağlığı verib. Mitsotakis faciəni "Rusiyanın mülki şəxslərə qarşı qəbuledilməz hücum aktı" adlandırıb. O, Yunanıstanın Mariupoldakı konsulluğunun yardım üçün açıq olduğunu bildirib. Yunanıstan Xarici İşlər Nazirliyi də Rusiyanın Afinadakı səfirinə kəskin etirazını bildirib və səfiri sabah nazirliyə çağırıb.


Etiketlər:  Mariupol yaxınlığında yunan öldü səfirlik nazirliyə çağırıldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ