Aktual mövzular: Dollar alış-satışı, Neftin qiyməti, COP29, Hava proqnozu

Rasim Balayev Rüstəm İbrahimbəyovun ölümündən DANIŞDI

Tarix: 12 Mart 2022 11:03

"Rüstəm İbrahimbəyovun Moskvada xəstəxanada olduğunu bilirdim. Eşitmişdim ki, komadadır. Amma ümidim var idi ki, sağalacaq. İndi xəbəri eşidib çox sarsıldım"

Sonxeber.net xəbər verir ki, bu fikirləri bizim media-ya açıqlamasında Azərbaycanın Xalq artisti, Azərbaycan Kinematoqrafçılar İttifaqının katibi Rasim Balayev deyib.
Rasim Balayev Rüstəm İbrahimbəyovun vəfatını Azərbaycan mədəniyyəti üçün böyük itki adlandırıb:

"Rüstəm İbrahimbəyovun vəfatı Azərbaycan dramaturgiyası, kinosu üçün ağır itkidir. Bizim ümumittifaq, ümumdünya miqyasında tanınan məşhur adamlarımız olub. Məsələn, Qara Qarayev, Fikrət Əmirov, Niyazi. Amma son illərdə sənət aləmində Azərbaycanı dünyada tanıdan iki adam var idi. Tahir Salahov və Rüstəm İbrahimbəyov. Bilirsiniz, adamlar gələcək, gedəcək... Amma elə adamlar var ki, onların yerini heç kim verməyəcək. Rüstəm İbrahimbəyov belə adamlardan idi. Allah rəhmət eləsin".
Xatırladaq ki, Xalq yazıçısı, Azərbaycan Kinematoqrafçılar İttifaqının sədri, kinodramaturq Rüstəm İbrahimbəyov uzun sürən xəstəlikdən ötən gecə dünyasını dəyişib.

Whatsapp ilə göndər