Aktual mövzular: Dollar alış-satışı, Məzənnə, Neftin qiyməti

Elmar Vəliyevin yeni FOTOsu

Elmar Vəliyevin yeni FOTOsu

Tarix: 16 Mart 2022 10:48

Gəncə hadisələrindən sonra ictimaiyyət arasında görüntülənməyən Şəhər İcra Hakimiyyətinin sabiq başçısı Elmar Vəliyev bu dəfə də fotosu ilə gündəmə gəlib. 

Milli.Az bildirir ki, "Qafqazinfo" onun son şəklini əldə edib. Göründüyü kimi keçmiş icra başçısının səhhəti qaydasındadır. Nəvəsi ilə çəkdirdiyi fotoda onun bir qədər çəki aldığı da müşahidə olunur.

Xatırladaq ki, 61 yaşlı E.Vəliyev 2011-2018-ci illərdə Gəncə Şəhər İcra Hakimiyyətinin başçısı olub. 2018-ci il iyulun 3-də özü və mühafizəçisi İcra Hakimiyyətinin binası qarşısında dini təriqət nümayəndəsi Yunis Səfərov tərəfindən güllələnib. Həmin ilin avqustunda vəzifəsindən azad edilib. Yunis Səfərova ömürlük həbs cəzası verilib.

Qeyd edək ki, 2021-ci ilin yayında vəkil Cavad Cavadov bildirmişdi ki, Elmar Vəliyevlə bağlı ekspertiza rəy verib: "Onda sui-qəsd nəticəsində psixi pozğunluq durumu yaranıb və məhkəmədə dindirilməsi vəziyyətinin pisləşməsinə səbəb ola bilər".

Milli.Az


Etiketlər:  Elmar Vəliyevin yeni FOTOsu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ