Rubejnoe uğrunda döyüşlərdə 20 rus əsgəri öldürüldü - FOTO

Tarix: 19 Mart 2022 13:24

Milli Qvardiyanın əsgərləri düşmənin Rubejnoye istiqamətində irəliləyişini dayandırıb və 20 nəfəri məhv ediblər.

Sonxeber.net bildirir ki, bu barədə özünün Facebook səhifəsində Luqansk vilayəti hərbi-mülki administrasiyasının rəhbəri Sergey Qayday məlumat verib.

"Rubejnoye və Popasnaya - Ukraynanındır. Bölgənin bütün şəhərləri atəşə tutulub. Dörd nəfər ölüb, 10 nəfər yaralanıb. 50-dən çox binaya ziyan dəyib. İyirmi nəfər rus əsgəri məhv edilib, geri çəkilməyə məcbur edilib. Düşmən qoşunları hücum edirdilər. minaatanlardan və top artilleriyasından şəhəri qırx dəqiqəlik atəşə tutdular", - Qayday yazıb.

O, həmçinin qeyd edib ki, gün ərzində Severodonetsk, Lisiçansk, Girskoye, Kremennaya, Privolye, Zolotoye atəşə tutulub.

Qaydayın sözlərinə görə, 19 çoxmənzilli və 19 fərdi yaşayış binası, iki səhiyyə obyekti, mühüm infrastruktur obyektləri, anbar və yardımçı tikililərə ziyan dəyib.

Severodonetsk və Rubejnoyedə ölənlər var.

Aslan Məmmədov