Aktual mövzular: Dollar alış-satışı, Neftin qiyməti, COP29, Hava proqnozu

Ukrayna ordusu Rusiya qoşunlarını Kiyevdən şərqə doğru sıxışdırıb

Ukrayna ordusu Rusiya qoşunlarını Kiyevdən  şərqə doğru sıxışdırıb

Tarix: 24 Mart 2022 08:14

"Ötən sutka ərzində Ukrayna ordusu düşmən qüvvələrini Kiyevdən uzaqlaşdırmağa nail olub".

Sonxeber.net "Report"a istinadən bildirir ki, bu barədə jurnalistlərə ABŞ Müdafiə Nazirliyinin yüksək rütbəli rəsmisi məlumat verib.

Onun sözlərinə görə, Rusiya hərbçiləri Kiyevdən 25-35 km şərqdə geri çəkilib.

"Rusiya qüvvələri Kiyevin mərkəzindən şərqdə təqribən 55 km məsafədədir ki, bu da dünənki məsafə ilə müqayisədə 25-35 km çoxdur", - deyə rəsmi bildirib.

Onun sözlərinə görə, Kiyevin mərkəzinin şimal-qərbində Rusiya qüvvələri səngər qazaraq müdafiə mövqeləri qurur. İndi Rusiya hərbçiləri Kiyevin mərkəzindən 15-20 kilometrdədir.

"Biz onların Kiyev ətrafında qazıntılar apardıqlarını və (Ukraynanın-red) şərq hissəsində daha çox hücum etməyə çalışdıqlarını görürük", - o deyib.


Etiketlər:  Ukrayna ordusu Rusiya qoşunlarını Kiyevdən şərqə doğru sıxışdırıb


RƏYLƏR



Populyar Xəbərlər

XƏBƏR LENTİ