Aktual mövzular: Dollar alış-satışı, Neftin qiyməti, COP29, Hava proqnozu

Yaponiyanın iri bankları “Sberbank” ilə dollar əməliyyatlarını dayandırıb

Tarix: 26 Mart 2022 16:52

Yaponiyanın ən iri bankları - "Mitsubishi UFJ", "Sumitomo Mitsui" və "Mizuho" bu gündən etibarən Rusiya "Sberbank"ı ilə dollar əməliyyatları aparmır.

Sonxeber.net-ın "Report"a istinadən verdiyi xəbərə görə, buna ABŞ-ın tətbiq etdiyi sanksiyalar səbəb olub.

Buna qədər Yaponiya maliyyə institutları tərəfindən dollarla maliyyə əməliyyatları ABŞ-ın müxbir bankları vasitəsilə həyata keçirilirdi. Yaponiyanın digər banklarının da oxşar qərarlar verəcəyi gözlənilir.

ABŞ "Sberbank"ı CAPTA (The Correspondent Account of Payable-Through Account Sanctions List) siyahısına daxil edib. Nəticə etibarilə Amerika banklarına martın 26-dan onun müxbir hesablarını bloklamaq əmri verilib. ABŞ Xəzinədarlığının Xarici Aktivlərə Nəzarət İdarəsinin (OFAC) xüsusi icazəsi olmadan ABŞ-ın maliyyə institutları "Sberbank" və onun törəmə şirkətlərinin müxbir hesablarını aça və onlara xidmət göstərə, habelə onların iştirakı ilə əməliyyatları qəbul edə bilməyəcək.

Whatsapp ilə göndər