Aktual mövzular: Dollar alış-satışı, Məzənnə, Neftin qiyməti

Ukraynadakı müharibə qlobal ərzaq qıtlığı yarada bilər

Tarix: 12 Aprel 2022 08:42

Ukraynadakı hazırkı münaqişə dünyanın ərzaq təhlükəsinə səbəb ola bilər.

Milli.Az APA-ya istinadən xəbər verir ki, bu barədə ABŞ-ın dövlət katibi Entoni Blinken deyib. Vaşinqtonda ABŞ və Hindistanın müdafiə və xarici işlər nazirliklərinin rəhbərləri arasında "2+2" formatında ikitərəfli danışıqların yekunları üzrə mətbuat konfransında bildirilib ki, iki ölkə dünya bazarında ərzaq tədarükünü artırmağa çalışır.

ABŞ diplomatiyasının rəhbəri ölkəsinin Ukrayna hökumətinə və xalqına dəstəyini artırmağa davam edəcəyini və digər ölkələri də eyni addımı atmağa təşviq edəcəyini bildirib.

"Rusiyanın hərəkətləri təkcə Avropa və Ukraynaya deyil, bütün dünyaya ciddi təsir göstərir. Məsələn, onlar ərzaq təhlükəsizliyinə və qiymətlərin artmasına səbəb olur", - deyə Blinken bildirib.
Onun sözlərinə görə, hazırda döyüşlər Ukraynadan taxıl tədarükünə maneə yaradır.

Milli.Az

Whatsapp ilə göndər