Ukrayna Kanadadan 400 milyon dollar kredit alacaq

Tarix: 14 Aprel 2022 08:57

Ukrayna Kanada hökuməti ilə 500 milyon Kanada dolları (indiki məzənnə ilə təxminən 400 milyon ABŞ dolları) kredit müqaviləsi imzalayıb.

Sonxeber.net "Report"a istinadən bildirir ki, bu barədə ölkənin maliyyə naziri Sergey Marçenko feysbuk hesabında bildirib.

"Kredit vəsaiti dövlətin prioritet xərclərinin maliyyələşdirilməsinə yönəldiləcək. Amma bu, Ukraynanın maliyyə sabitliyinin dəstəklənməsinə nəinki vaxtında töhfə, həm də Rusiya üzərində qələbəmizi yaxınlaşdırmağa kömək edir", - nazir yazıb.

Marçenko qeyd edib ki, kredit vəsaitləri Ukraynaya 10 il müddətinə güzəştli şərtlərlə verilir.

"Qərara görə Kanada hökumətinə və şəxsən Baş nazirin müavini Kristia Frilanda minnətdaram. Kanada bununla Ukraynanın etibarlı dostu olduğunu nümayiş etdirir", - Marçenko əlavə edib.