Şuşa şəhəri yenidən qurulur - VİDEO

Tarix: 25 Aprel 2022 20:02

Prezident İlham Əliyevin tapşırığına əsasən Şuşa şəhərində böyük abadlıq-quruculuq işləri aparılır.

Sonxeber.net Xəzər TV-yə istinadən xəbər verir ki, ermənilər  tərəfindən dağıdılan Şuşa yenidən qurulur, müasirləşir və şəhərin tarixi görkəmi bərpa edilir.

Bu şəhərdə işləyən hər  bir usta, hər  bir  fəhlə öz işini  böyük  həvəslə, istəklə  görür.

Şuşada  tezliklə 20-dən çox binanın tikintisinə başlanılacaq. Hazırda şəhərdə 5 ulduzlu hotel və konfrans mərkəzinin inşaası davam etdirilir.

Ərazidə söküntü materiallarının çeşidlənməsi aparılmaqla yanaşı, məişət tullantıları Avropa standartlarına uyğun xüsusi yeraltı konteynerlərdə yerləşdiriləcək.

Şuşaya çəkilən yeni yol isə Zəngəzur dəhlizinin magistralı ilə birləşəcək. 81 kilometr uzunluğundakı yolda 7 tunel olacaq.

Bu yol ilə Zəfər yolu Şuşanın girişində birləşəcək.

Mövzu ilə bağlı daha ətraflı videomaterialı təqdim edirik: