Aktual mövzular: Dollar alış-satışı, Məzənnə, Neftin qiyməti

"İzyum istiqamətində bölmələrimiz intensiv atəşə məruz qalıb" - Ukrayna MN

Tarix: 3 May 2022 09:38

Rusiya Silahlı Qüvvələri Ukrayna ərazisindəki texnika itkisini bərpa etməyə çalışır.

Milli.Az "Report"a istinadən xəbər verir ki, bu barədə Ukrayna Müdafiə Nazirliyinin gündəlik operativ məlumatında bildirilib.

"Volın, Polissya və Siverski istiqamətlərində qarşı tərəfin ciddi hücumları olmayıb. Slobojanski istiqamətində düşmən Xarkov şəhərini və yaxınlıqdakı yaşayış məntəqələrini atəşə tutmağa davam edir. İzyum istiqamətində bölmələrimiz intensiv atəşə məruz qalıb. Donetsk istiqamətində isə Rusiya ordusunun əsas səyləri Rubijne və Popasna yaşayış məntəqələri üzərində tam nəzarətin yaradılmasına, habelə Liman və Slovyansk yaşayış məntəqələri istiqamətində irəliləməyə yönəlib", - xəbərdə vurğulanır.

Məlumatda, həmçinin göstərilib ki, son sutkada Donetsk və Luqansk vilayətlərində Rusiya ordusunun 12 hücumunun qarşısı alınıb.

"6 tank, 5 artilleriya sistemi, 22 zirehli döyüş maşını və 8 texnikası məhv edilib. Qarşı tərəf digər ərazilərdə də itki verib. Onların müvəqqəti işğal etdiyi ərazilərdə fəal müqavimət davam edir".

Milli.Az


Etiketlər:  İzyum istiqamətində bölmələrimiz intensiv atəşə məruz qalıb Ukrayna MN


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ