Aktual mövzular: Dollar alış-satışı, Məzənnə, Neftin qiyməti

Ermənipərəst müğənninin Bakı konserti ləğv olundu

Ermənipərəst müğənninin Bakı konserti ləğv olundu

Tarix: 19 May 2022 20:10

Rusiyalı müğənni Lübov Uspenskayanın oktyabrın 9-da Bakı Konqres Mərkəzində keçirilməsi gözlənilən konserti ləğv olunub.

Milli.Az Vesti.az-a istinadən xəbər verir ki, ermənipərəst ifaçının konsertinin ləğv olunmasına səbəb Bakı sakininin Mədəniyyət Nazirliyinə müraciəti olub. Quruma müraciət edən şəxs bildirib ki, L. Uspenskaya ermənipərəst mövqeyini açıq şəkildə ifadə edir, KİV və sosial şəbəkələrdə Azərbaycanın ünvanına təhqiramiz ifadələr işlədir. Mədəniyyət Nazirliyi də artistin paylaşımları ilə tanış olduqdan sonra onun konsertini ləğv edib.

Mədəniyyət Nazirliyindən isə "Qafqazinfo"ya bildirdilər ki, sözügedən konsert proqramının təşkilatçısı onlar deyil:

"Lübov Uspenskaya nazirliyin xətti ilə ölkəmizə gəlmir. Həmçinin konsertin keçiriləcəyi müəssisə də Mədəniyyət Nazirliyinin tabeliyində deyil".

Konsertə bilet satışını həyata keçirən "iTicket.az" konsertin hansı səbəbdən ləğv olunduğunu açıqlamadı.

Milli.Az


Etiketlər:  Ermənipərəst müğənninin Bakı konserti ləğv olundu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ