Şou-biznes əhlindən uşaqlar günü ilə bağlı paylaşım - FOTOlar

Tarix: 1 Iyun 2022 21:35

Bu gün  1 İyun - Uşaqların Beynəlxalq Müdafiəsi Günüdür. 

Sonxeber.net axşam.az-a istinadən xəbər verir ki, bu münasibətlə tanınmış simalar övladlarının fotosunu yayımlayaraq, təbrik mesajları yazıblar. 

Aktyor Hikmət Rəhimov paylaşımına "Yaxşı ki, dünyada uşaqlar var. Tanrı bütün uşaqları sağlam və xoşbəxt etsin" sözlərini yazıb. 

Müğənni Emma Ələkbərzadə oğlunun şəklini yayımlayaraq onu "Mənim balamla birgə, bütün balaların bayramı mübarək. Allah sizləri qorusun" sözləriylə təbrik edib.

Müğənni Zamiq Hüseynov oğlu Zeyidin şəklini yayımlayaraq "Ən böyük sevgim. Bayramımız mübarək, əziz uşaqlar" sözlərini əlavə edib. 

Əməkdar artist Elşən Cəbrayılov "Qoy, bütün uşaqlar xoşbəxt böyüsün. Vuran ürəklərim, bayramınız mübarək" sözləri ilə uşaqların bayramını təbrik edib.

Əməkdar artist Abbas Bağırov isə oğullarının şəklini yayımlayıb və bu sözləri qeyd edib:

"Bu həyatda sizdən gözəl heç nə yoxdur. Allah bütün balaları qorusun, olmayanlara qismət etsin. Övlad başqa bir həyatdır, o həyatın ləzzəti və xoşbəxtliyi ondadır ki, onların sevincli gözlərinə baxaraq, valideyni olmağına nə qədər xoşbəxtsən".

Əməkdar artist Sevda Ələkbərzadə bacısı Emma Ələkbərzadənin oğlu Davitin fotosunu yayımlayaraq "Qoy, dünyanın bütün balaları xoşbəxt olsun" sözlərini qeyd edib.

Müğənni Elçin Cəfərov oğlu Canın fotosunu yayımlayaraq, bayramını təbrik edib. 

Aparıcı Xoşqədəm Hidayətqızı isə əkizlərini paylaşaraq "Dünyada bir ədəd uşaq belə xoşbəxt olmadığı halda, böyük icadlar və irəliləmələr heç nədir" Albert Eynşteyn... Bütün uşaqlar gülsün, xoşbəxt olsun. Bayramınız mübarək" sözlərini qeyd edib. 

Aparıcı Zaur Baxşəliyev isə qızı Dilavər və oğlu Davudun görüntüsünü yayımlayaraq "Uşaqları tək bir gün yox, hər saniyə qoruyaq. Allah bütün balaları qorusun. Allah onları bizə çox görməsin. Hər evdən körpə səsi gəlsin. Heç bir valideyn övladına görə əziyyət çəkməsin. Nə qədər yorğun gəlsəniz, onları heç vaxt unutmayın, unutmayaq, uşaqlar bahalı oyuncaq, geyim, yemək yox, bizim sevgimizi, diqqətimizi istəyir. Allah bütün balaları qorusun" sözlərini qeyd edib.

Aktyor Kamran Ağabalayev övladlarının fotosunu "Onlar xoşbəxt və sağlam olsunlar, başqa bir istəyim yoxdur. Üzlərində hər zaman gülüş olsun, başqa bir istəyim yoxdur. Allah bütün övladları qorusun" sözləri ilə yayımlayıb.