Aktual mövzular: Dollar alış-satışı, Məzənnə, Neftin qiyməti

Sumıya raket zərbəsi endirilib: yaralılar var

Tarix: 2 Iyun 2022 13:46

İyunun 2-nə keçən gecə ruslar Sumı vilayətinin Krasnopol icmasının ərazisinə təyyarədən üç raket zərbəsi endirib, nəticədə azı 3 nəfər yaralanıb, evlər dağılıb.

Milli.Az bildirir ki, bu haqda Sumi Hərbi Administrasiyasının rəhbəri Dmitri Jivitski Telegram-da, Dövlət Sərhəd Xidməti Facebook-da məlumat yerləşdirib.

"Təxminən gecə yarısı hava hücumu zamanı Rusiya düşmən təyyarəsi Sumı vilayətinin (Krasnopol icması) ərazisinə 3 raket zərbəsi endirdi.

Raket düşən bir ev tamamən dağıldı. Daha bir neçə evə ziyan dəyib, təsərrüfatlarda böyük dağıntılar var. İlkin məlumat: ən azı üç nəfər yaralanıb", - Jivitski yazıb.

Administrasiya rəhbərinin sözlərinə görə, yaralananların hamısı Krasnopolyedən olan mülki şəxslərdir. Onlar xəstəxanaya yerləşdirilib.

Xilasedicilər hadisə yerindədir.

Dövlət Sərhəd Xidməti Rusiya ərazisindən raket atıldığını bildirib.

Aslan Məmmədov
Milli.Az

Whatsapp ilə göndər