Aktual mövzular: Dollar alış-satışı, Məzənnə, Neftin qiyməti

Rasim Balayevi tənqid edənlər məhkəməyə veriləcək

Rasim Balayevi tənqid edənlər məhkəməyə veriləcək

Tarix: 14 Iyun 2022 19:30

Azərbaycan Kinematoqrafçılar İttifaqı (AKİ) Rasim Balayevi tənqid edənlərə xəbərdarlıq edib.

Milli.Az bizim.media-ya istinadən xəbər verir ki, həmin şəxslərə qarşı məhkəmə iddiası qaldırılacaq.

Qurum bildirir ki, son dövrlər mətbuatda Azərbaycan Kinematoqrafçılar İttifaqının və ittifaqın uzun müddət sədri olmuş Xalq yazıçısı Rüstəm İbrahimbəyov və Ədliyyə nazirliyi tərəfindən səlahiyyətləri təsdiq edilmiş sədri Xalq artisti Rasim Balayevin nüfuzuna xələl gətirəcək çıxışlara rast gəlinir: 

"Bir tərəfdən aydındır və başa düşüləndir ki, Azərbaycan Kinematoqrafçılar İttifaqının konfransında legitim olaraq, Xalq artisti Rasim Balayevin sədr seçilməsi illərdir ki, kinomuzun maraqlarına zərər verən şəxslər tərəfindən qısqanclıqla qarşılanıb.  
Başqa tərəfdən isə bildirmək istəyirik ki, bu kimi əsassız çıxışlar boşa açılan güllələrdir, hədərdir və o çıxışlar kinematoqrafımızn inkişafına heç bir xeyir gətirməyəcək. 

Gələn il yaradılmasının 60 illiyini qeyd edəcək Azərbaycan Kinematoqrafçılar İttifaqı, ittifaqın üzvü olub-olmamasından asılı olmayaraq bütün həmkarlarımıza hörmətlə yanaşır.  

Azərbaycan Kinematoqrafçılar İttifaqının sədri Rasim Balayevin də əsas missiyası kinomuzun inkişafı və maraqları naminə bütün kinematoqrafçıları bir araya gətirib birləşdirməkdir və həmkarlarımıza üz tutaraq bu istiqamətdə həmrəyliyə, yoldaşlığa dəvət edirik. 

Bir daha xəbərdarlıq edirik ki, Azərbaycan Kinematoqrafçılar İttifaqının və ittifaqın uzun müddət sədri olmuş, Xalq yazıçısı Rüstəm İbrahimbəyovun və 31 may tarixində ittifaqın konfransında sədr seçilmiş Xalq artisti Rasim Balayevin nüfuzuna xələl gətirəcək hər hansı bir çıxışlar olarsa, həmin şəxslərə qarşı məhkəmə iddiası qaldırılacaq". 

Milli.Az


Etiketlər:  Rasim Balayevi tənqid edənlər məhkəməyə veriləcək


RƏYLƏR



Populyar Xəbərlər

XƏBƏR LENTİ