Aktual mövzular: Dollar alış-satışı, Məzənnə, Neftin qiyməti

“Taktiki işləri həyata keçirə bilmədik” - millimizin baş məşqçisi

Tarix: 20 Sentyabr 2019 01:20

"Fiziki baxımdan güclü komandaya qarsı oynadıq. Məğlub olmaq hər zaman üzücüdür. Oyunda yol verdiyimiz səhvləri aradan qaldırmaq üçün çox çalışmalıyıq. Hava küləkli olduğu üçün oyunda nəzərdə tutduğumuz taktiki işləri həyata keçirə bilmədik".

Qol.az-ın məlumatına görə, bu sözləri 17 yaşadək futbolçulardan ibarət Azərbaycan millisinin baş məşqçisi Vüqar Məmməd Bakıda Belarusa uduzduqları yoxlama oyunundan (1:4) sonra AFFA-nın saytına deyib.

"Dörd futbolçumuz zədəli olduğu üçün bu oyunlarda bizə kömək edə bilmir. Ümumilikdə rəqib bizdən yalnız fiziki göstəricidə üstün oldu. Təlim-məşq toplanışından sonra klubların baş məşqçiləri ilə görüşəcəyik və futbolçuların fiziki hazırlığını yüksəltmək üçün bir proqram hazırlayıb, tətbiq edəcəyik” - deyə o bildirib.

Whatsapp ilə göndər